سودانيه ميه الميه

طبعـــا دا موضوع بنتكلم فيهو عن عاداتنا وموروثاتنـــا السودانيه ميه الميه ..
ومصطلحاتنــا الحصريه علينا نحنا بس ...

وكمان عشـــان نفيد وستفيد والناس الماشفو السودان ولا السودانين نفسهم يعرفو مصطلاحتم القديمه والحناكيش برضــو يتعلمو ويعرفو ..

طبعا ياجماعه المصطلحات مامقتصده علــي الفي الموضوع بس يعني الناس ماتقــرا الح اجيبا ليكم دي وبس ..
لازم عشــان نفيد ونستفيد ياريت كل عضـــو عندو كلمه او مصطلح مايبخل بيهو ويجيبو لينا هنــا في البوست دا ..
وكمان اي عضــو عاوز يستفسر عن اي كلمه او مصطلح سوداني نحنا علي استعداد لي اي شي والله ..

يلا نبــــدأ....
التكل .. بضم التــاء
مكان لعواست الكسره العصيده والقراصه و الحلو مر يعني محل العواسه بس ..
الطاقة ...
نافذة صغيرة مرتفعة.. بتكون في اعلي المبني ..
المشلعيب...
نسيج من الحبال يعلق على سقف البيت او على احد فروع شجرة , ويوضع به الطعام لحمايته طبعا دا كان قبل التلاجات ...
الوقاية...
قطعة من القماش توضع على الراس لحمايته عند حمل شى ثقيل,وقد تكون حلقة قماش منسوجه بحبال بلاستك رفيعه من الخارج وهى توضع بها الجبنه ...
المقصوصة..
تشبه الكامشه(الغرافه) ولكنها مفلطحة ..
...القرقريبة
.. اداء تستخدم لتوزيع العجين على الصاج

...العمبلوق
.. التيس او العتود يعني ولــد الماعز

...السعن
وهو جلد الغنم ويستخدم في تبريد الماء

الكرقه او الراكوبه
وهي البرنده كدا بي الافرنجي بس بي العيدان

الكشمبير ...
وهو ثلاثه عيدان يعلق به السعن ويعمل فيه الروباو
الزبـــادي ..

الكــــراب والبســـــديق


الكراب الحبل الذي يكون في مقدمة العنقريب عشان يشدو حبال العنقريب عندما ترتخي
وجاية من كرب يكرب كربة
البسديق وتاكل الدفيق



المُنضره
المرآه
البِرش
بإختصار هو مفرش للعنقريب من السعف
الكَكر
بنبر للتنصيب قديماً.والبنبر دا كرسي قصير من غير ما تسند ظهرك
المُكشاشة او المُقشاشة
المكنسة
الكانون
موقد النار
الشوفع
الأطفال
الفُندُك
دا أشرحوا كيف؟ دا البدقو فوقو الثوم والبهارات
المركوب
حذاء من الجلد يتميز بة الرجل السوداني
الشِعبه
في حاجه اخيرة ما قادرة اتذكر الاسما وهي المخده
البختوها في ظهر الحمار او الحصان قبل ما اضعوا السرج واخيراً الخَمار
الخمار دا ما الخمار بتاع عجين الكِسره

القوقاية
آلة محلية الصنع تستخدم لفصل بذرةالقطن من القطن
المترار
أداء تستخدم لصناعة الخيوط من القطن
الكيفة
خيط طويل ملفوف على شكل كرة صغيرة
المخلاية
دي
زي الشنطة حسي
التبروقة
المصلاية
:الودك
دهن يعني بتمسحو بيهو
الربيت
هوشحم مستخلص من الخروف يوضع علي النار ويصبح ربيب
الطايوق
هو المخ يستخدم للعواسة

كدا انتو سودانين ميــه ميه
يلا العندو حاجات تانيه يجيبا والعندو استفســارعن اي كلمه عيونــا ليهو برضوو ..
دمتم في امان الله ..